Gulwant Farigh

ਗੁਲਵੰਤ ‘ਫ਼ਾਰਿਗ’ ਪੰਜਾਬੀ ਸਾਹਿਤ ਦਾ ਜਾਣਿਆ-ਪਛਾਣਿਆ ਨਾਂ ਹੈ । ਉਹ ਬੁਨਿਆਦੀ ਤੌਰ ਤੇ ਕਵੀ ਹੈ । ਪੰਜਾਬੀ ਵਿਚ ਹੁਣ ਤੱਕ ਅੱਠ ਪੁਸਤਕਾਂ ਪ੍ਰਕਾਸ਼ਿਤ ਹੋ ਚੁੱਕੀਆਂ ਹਨ ਜਿਨ੍ਹਾਂ ਵਿਚੋਂ ‘ਇੱਕ ਧੁੰਦ ਸੁਨਹਿਰੀ, ‘ਚੁੱਪ ਦੇ ਬੋਲ’ (ਕਵਿਤਾਵਾਂ) ਅਤੇ ‘ਚਾਂਦੀ ਦਾ ਪੁਲ (ਕਹਾਣੀਆਂ) ਜ਼ਿਕਰਯੋਗ ਹਨ । ਜਨਮ 15 ਫ਼ਰਵਰੀ, 1932 ਪਿੰਡ ਬਾਹਲਾ, ਜ਼ਿਲਾ ਹੁਸ਼ਿਆਰਪੁਰ (ਪੰਜਾਬ)। ਪੰਜਾਬੀ ਅਤੇ ਅੰਗ੍ਰੇਜ਼ੀ ਵਿਚ ਉੱਚਤਮ ਸਿੱਖਿਆ ਪ੍ਰਾਪਤ ਕੀਤੀ ।

ਜ਼ਿੰਦਗੀ ਦੀ ਸ਼ੁਰੂਆਤ 1954 ਵਿੱਚ ਇਕ ਸਕੂਲ ਅਧਿਆਪਕ ਵਜੋਂ, ਫਿਰ 1961 ਤੋਂ 1990 ਤੱਕ ਪੰਜਾਬ ਸਰਕਾਰ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ ਅਤੇ ਕੇਂਦਰੀ ਸਰਕਾਰ ਦੇ ਵੱਖ-ਵੱਖ ਵਿਭਾਗਾਂ ਵਿਚ ਸੰਪਾਦਨ-ਕਾਰਜ। ਦੇਸ਼ ਦੀਆਂ ਪ੍ਰਮੁੱਖ ਸੰਸਥਾਵਾਂ ਵਾਸਤੇ ਅਨੁਵਾਦ। ਲਗਭਗ ਸੱਤਰ ਅਨੁਵਾਦਿਤ ਪੁਸਤਕਾਂ ਪ੍ਰਕਾਸ਼ਿਤ, ਜਿੰਨ੍ਹਾਂ ਵਿਚੋਂ ਜ਼ਿਕਰ ਯੋਗ : ‘ਹਜ਼ਾਰੀ ਪ੍ਰਸਾਦ ਦਿਵੇਦੀ, ‘ਅਚਰਜ ਗ੍ਰਹਿ ਦੀ ਗਾਥਾ, ‘ਅਰਧਨਾਰੀਸ਼ਵਰ’, ‘ਸ਼ਿੰਗਾਰ ਰੁੱਖ', ‘ਚਿੱਤਰ ਲੇਖਾ', ‘ਇੱਕ ਚੂਹੇ ਦੀ ਮੌਤ’, ‘ਗੰਗੱਵਾ ਗੰਗਾ ਮਾਈ’, ‘ਨਵੀਂ ਦੁਨੀਆ ਦਾ ਜਨਮ', ‘ਸਾਗਰ ਨੇੜੇ ਇਕ ਪਿੰਡ, ‘ਜ਼ੋਰਾਮਥਾਂਗੀ’, ‘ਉਰਦੂ ਕਹਾਨੀਆਂ' (ਉਰਦੂ 'ਚੋਂ ਹਿੰਦੀ) ਅਤੇ 'ਰਾਤ ਕੋ ਰਾਹੀਂ' (ਪੰਜਾਬੀ 'ਚੋਂ ਹਿੰਦੀ) । ਹਥਲੀ ਪੁਸਤਕ ਅਨੁਵਾਦ-ਕਲਾ ਵਿਚ ਕੀਤੀ ਸਾਧਨਾ ਦੀ ਲਖਾਇਕ।